TRUMP - "NINAHITAJI KULIPWA DOLA MOJA TU KWA MWAKA KAMA MSHAHARA WANGU WA URAIS"

Rais mteule wa Marekani Donald Trump amesema hataki kulipwa mshahara wa rais wa $400,000 atakapochukua kijiti cha urais Januari mwakani. Badala yake atakuwa akilipwa $1 pekee kila mwaka.

Alifichua mpango wake huo wakati wa mahojiano na Lesley Stahl kipindi cha 60 Minutes cha CBS News.

Ingawa hakujua rais huwa analipwa pesa ngapi, Bw Trump alisema alidhani anahitaji kuchukua tu $1.

Baada ya Bi Stahl kumjulisha kwamba mshahara wa rais ni $400,000, alisema: "Hapana, sitaupokea mshahara huo. Sizichukui kamwe."

Donald Trump anatimiza ahadi zake alizoahidi katika kampeni zake kwamba hatochukua mshahara wake kwani sio jambo kubwa kwake bali maslahi ya wananchi wa marekani.

Donald Trump sio kiongozi wa kwanza kukataa mshahara, soma hapa orodha ya viongozi waliowahi kukataa mishahara yao.

Herbert Hoover, aliyekuwa ametajirika kupitia biashara ya madini kabla ya kuingia madarakani, na John F Kennedy, aliyerithi utajiri wote walikataa kupokea mashahara na badala yake wakatoa pesa hizo zisaidie wasiojiweza katika jamii.

Rais aliyetawala marekani karne ya 20, John F Kennedy

Meya wa zamani Michael Bloomberg, gavana wa zamani wa California Arnold Schwarzenegger na gavana wa zamani wa Massachusetts Mitt Romney pia walikataa kupokea mishahara yao.

Mark Zuckerberg, mwanzilishi wa mtandao wa kijamii wa Facebook, ndiye mfanyakazi anayelipwa mshahara wa chini zaidi katika kampuni hiyo.

Aidha, ni miongoni wa CEO (Afisa Mkuu Mtendaji) wengi ambao hulipwa mshahara wa $1 pekee.

Sergey Brin na Larry Page wa Google pia wamekuwa wakilipwa $1 kwa mwongo mmoja sasa.

Wazo la kulipwa dola moja lililetwa na mwanzilishi wa bidhaa za apple Steve Jobs aliporejea katika shirika la Silicon Valley mwaka 1997.